Mala tarde granate

O Pontevedra perdeu 2-0 contra o C.D. Ourense. Sanginés puxo os goles dos locais nunha tarde na que os granates viron como se lles escapaba o cuarto posto. Lorenzo foi o protagonista dos granates, salvando en diversas ocasións o gol local.

Nos primeiros minutos o C.D. Ourense xa mostraba as súas intencións de levar o partido. As ocasións locais eran diversas e un gran Lorenzo encargouse de seguir mantenendo marcador co resultado inicial. Sanginés puña as ocasións máis claras para os locais e case consegue polos por diante pero chegaríase ao descanso co resultado inicial.

A segunda parte seguía mostrando o dominio do Ourense. Varias ocasións e un tiro ao poste de Xaime facían presaxiar que era cuestión de tempo que chegase o gol local e así sería, no 76 Sanginés adiantaba aos ourensáns. O Pontevedra non tiña ocasións claras para lograr o empate e o Ourense aproveitaba uns minutos despois para ampliar a súa vantaxe. Sanginés, novamente, puña o segundo para os locais e puido conseguir o terceiro nos minutos finais.

O Pontevedra enfrontarase este fin de semana ao Negreira. Este equipo que ocupa o posto 13 na clasificación de Terceira División do Grupo I con 7 vitorias, 9 empates e 8 derrotas.

Pontevedra C.F. S.A.D.